Në dritën e Kur’anit dhe Sunetit

Therja e kafshëve në themelet e shtëpive

Shejh: Salih El-Feuzan (Allahu e ruajt)

Shkëputur nga: “El-munteka min fetauesh-shejh el-Feuzan” (pjesa e dytë, fetuaja nr. 110)

Pyetje: Disa njerëz, kur dëshirojnë të ndërtojnë shtëpi, therin në themelet e saj dash apo dele dhe thonë: “E bëjmë këtë, në mënyrë që të qëndrojë ndërtesa dhe themeli i saj”.

Përgjigje: Kjo vepër është shirk ndaj Allahut të Lartësuar dhe është therje për hir të xhinëve. Ka prej njerëzve që therin në prag të shtëpisë apo kur të vendosin themelin e ndonjë kompanie apo fabrike posa të fillojnë punimet, dhe thonë: “Në këtë vepër ka dobi fabrika”. Kjo është shirk ndaj Allahut, sepse është therje për hir të xhinëve dhe besim në ta. Pikërisht xhinët janë ata që i urdhërojnë për një gjë të tillë, duke i inspiruar se kjo therje u sjell dobi. E, kush therë jo për hir të Allahut, ka bërë shirk.

Profeti (sal-lAll-llahu alejhi ue sel-lem) thotë: “E ka mallkuar Allahu atë njeri që therë për tjetërkënd pos Allahut” (e përcjellë Muslimi në Sahihun e vet (3/1567), prej Ali bin Ebi Talibit).

Dhe thotë Allahu i Patëmeta: “Thuaj: “Në të vërtetë, namazi im, kurbani im, jeta ime dhe vdekja ime i përkasin vetëm Allahut, Zotit të botëve.” (6/162).

Fjala “En-nusuk” (kurbani) është therja, dhe Allahu e ka përmendur (në këtë varg) së bashku me namazin. D.m.th. ashtu siç njeriu nuk (duhet të) falet për tjetërkënd pos Allahut, ashtu nuk duhet të therë për dikë tjetër pos Tij. Allahu i Lartësuar thotë: “Andaj, falu (vetëm) për Zotin tënd dhe ther kurban!” (vetëm për Të, sh.p.)” (108/2).

Kështu, therja është adhurim, i cili nuk lejohet veçse për Allahun.

  • Shpërndaje
Share on facebook
Share on telegram
Share on whatsapp
Share on twitter
Share on email

NA NDIQNI NË FACEBOOK

ABONOHU NË EMAIL

Pranoni postimet e reja në email duke u abonuar

POSTIMET E FUNDIT

RËNDËSIA E TEUHIDIT

MË TË KLIKUARAT

Arkiva